व्यवसायी चन्द्रप्रसाद ढकाललाई कोरोना संक्रमण

काठमाडौं । व्यवसायी चन्द्रप्रसाद ढकालमा कोरोना संक्रमण देखिएको छ । आईएमई ग्रुपका अध्यक्ष ढकालमा आइतबार गरिएको परीक्षण्मा कोरोना देखिएको हो ।

जनस्वास्थ्यका मापदण्डहरु अपनाउँदा अपनाउँदै पनि आफूलाई संक्रमण देखिएको ढकालले मकालु खबरलाई जानकारी दिए । ‘स्वास्थ्यका सबै मापदण्डहरु अपनाउँदा पनि रिपोर्ट पोजेटिभ आएका छ,’ उनले भने- ‘म अहिले घरमै आइसोलेसनमा रहेका बसेको छु, स्वास्थ्यमा कुनै समस्या देखिएको छैन ।’

केही दिनयता आफ्नो सम्पर्कमा आएका सबैलाई सुरक्षित रहन र आवश्यक स्वास्थ्य सजगता अपनाउन पनि ढकालले आग्रह गरेका छन् ।