फेसबुकले फेरि हटायो ट्रम्पको स्टाटस, भ्रामक भन्दै ट्वीटरले लुकायाे !

एजेन्सी । फेसबुकले अमेरिकी राष्ट्रपति डोनाल्ड ट्रम्पको पोस्ट हटाएको छ, जसमा उनले कोरोना भाइरस (कोभिड १९) फ्लु भन्दा कम घातक रहेको दाबी गरेका थिए ।

कोरोना संक्रमित भएपछि ट्रम्पको तीन दिन अस्पतालमा उपचार भयो । उपचारपछि उनी ह्वाइट हाउस फर्किसकेका छन् ।

उनले फेसबुकमा लेखेका छन्– ‘अमेरिकाले फ्लु सिजनसँगै जिउन सिकिसकेको छ । त्यस्तै नै हामी कोभिडसँग जिउन सिकिरहेका छौँ,  जुन अधिकांश जनसंख्यामा यो कम घातक छ ।’

ट्रम्पले ट्वीटरमा पनि यो सन्देश जारी गरेका थिए, जसलाई ट्वीटरले हाइड गरिदियो अर्थात् लुकायो । उनको ट्वीटमा एक चेतावनी दिइएको छ जसमा यो सन्देश भ्रामक हो भनिएको छ । उक्त चेतावनीमा क्लिक गरियाे भने मात्रै ट्वीटर प्रयाेगकर्ताहरूले ट्रम्पकाे उक्त ट्वीट पढ्न पाउनेछन् ।