ट्रम्प भन्छन्– ‘चीनको कारण मलाई कोरोना भयो, चीनले भोग्नेछ’

एजेन्सी । कोरोना भाइरस (कोभिड १९) संक्रमणका कारण चार दिनको अस्पताल बसाइँपछि ट्रम्प ह्वाइट हाउस फर्किसकेका छन् ।

अस्पतालबाट फर्किएपछि उनले एक भिडियो सन्देश जारी गरी आफ्नाे स्वास्थ्य अवस्थबारे जानकारी दिए । भिडियोमा राष्ट्रपति ट्रम्प विना मास्क देखिएका थिए ।

करिब पाँच मिनेटको भिडियो सन्देशमा उनले भने, ‘मलाई कोरोना संक्रमण हुनु ईश्वरको आर्शिवाद जस्तो लाग्छ । अहिले म स्वस्थ छु । म चाहन्छु कि हरेक अमेरिकी नागरिकलाई त्यस्तो उपचार मिलोस् जुन राष्ट्रपतिलाई मिल्छ ।’

भिडियोमा ट्रम्पले चीनको आलोचना गर्न भने छोडेनन् । उनले भने, ‘मलाई चिनिया भाइरसको संक्रमण भयो, यसमा तपाईँको गल्ती छैन । यो चीनको गल्ती हो । र चीनले यसको सजाय भोग्नेछ । चीनले यस देशको साथ जे गर्यो, उसले यसको मूल्य चुकाउनुपर्नेछ ।’