नेपाली बजारमा नयाँ विधुतीय गाडी ‘‘निशान लिफ’’ आउँदै, ४० मिनेटमा नै ८० प्रतिशत चार्ज हुने

काठमाडौं । निशान मोटर्सको लागि नेपालको आधिकारिक बिक्रेता पायोनियर मोटो कर्पले निशानको सर्वाधिक प्रतीक्षित “निशान लिफ” नेपालमा लन्च गर्ने घोषणा गरेको छ । बिद्युतीय सवारीमा बिध्यमान करलाई वृद्धि गरिए पश्चात सो गाडिको लन्च कार्यक्रम पुर्व निर्धारित समयामा हुन सकेको थिएन। तर नेपाल सरकारले बिद्युतीय सवारीको करलाई पुर्नअवलोकन गर्ने व्यवस्था गरेकाले निशानको ‘लिफ’ गाडि २०२१ साल अप्रिलमा लन्च गर्ने भएको हो ।

निशान लिफ संसारकै पहिलो ‘मास मार्केटेड’ बिद्युतीय गाडि हो । यो गाडि बिद्युतीय गाडी मार्केटमा ग्लोबल लिडर पनि बन्न पुगिसकेको छ। निशान लिफ निसानको बिद्युतीय गाडीहरुमा सबै भन्दा उन्नत कार हो । निशान लिफ संसारभर २ लाख ५० हजारभन्दा बढी बिक्री भैसकेको छ । यस कारणले पनि निशान लिफ आम सर्वसाधारणहरुको सहज पहुचमा पुग्ने पहिलो बिद्य्तीय सवारी बन्न पुगेको छ ।

पहिलो निशान लिफ २०१० को डिसेम्बरमा जापानमा लन्च भएको थियो । उन्नत फिचरहरु र उत्कृष्ट लुक्स भएको निशान लिफ विश्वव्यापी रूपमा सबैभन्दा धेरै बिक्री हुने सवारीको रुपमा परिचित छ। अधिक हर्शपावार र टर्क सहित आउने सो गाडीमा उन्नत टेक्नोलोजी र फिचरहरु छन। ४० मिनेटमा ८० प्रतिशतसम्म चार्ज हुने यस गाडीमा अत्याधुनिक इ(पेडल टेक्नोलोजी पनि समावेश गरिएको छ। इ(पेडलमा एक्सलेरेटर पेडल छोड्ना साथ गाडीको गति आफै कम हुदैं जाने हुनाले एउटै पेडलले ड्राइभिङ गर्न सकिनेछ ।