ट्रककाे ठक्करबाट मोटरसाइकलमा सवार ३ युवाको घटनास्थलमै मृत्यु

काठमाडौं । दाङमा ट्रकले ठक्कर दिँदा तीन जनाको मृत्यु भएको छ ।

राप्ती गाउँपालिका वडा नं ४ मौरीघाटमा पश्चिमबाट पूर्वतर्फ जाँदै गरेको ना ६ ख ३३४४ नम्बरको ट्रकले विपरीत दिशाबाट आइरहेको रा ५ प ६७४४ नम्बरको मोटरसाइकललाई ठक्कर दिँदा मोटरसाइकलमा सवार तीन जनाको घटनास्थलमै मृत्यु भएको हो ।

गए राति ८ बजेतिर उक्त दुर्घटना भएको जिल्ला प्रहरी कार्यालय दाङका प्रहरी नायब उपरीक्षक सुमित खड्काले बताए । मृतकको उमेर २५ देखि ३० वर्ष बीच रहेको अनुमान गरिएको छ । मृतक तीनै जनाको पहिचान खुल्न सकेको छैन ।