अहिलेसम्मकै ठूलो आईपीओमा कति कित्ता भर्ने ?
मकालु खबर
काठमाडौं । नेपालको अहिलेसम्मकै ठूलो परिमाणको साधारण सेयर (आईपीओ) शुक्रबारबाट खुलेको छ । इन्फ्रास्ट्रक्चर बैंक लिमिटेडले ८ अर्ब रुपैयाँ बराबरको ८ करोड कित्ता शेयरकाे आईपीओ शुक्रबारबाट बिक्रि खुल्ला गरेको हो ।
बैंकको ८ करोडमध्ये १ लाख ६० हजार कित्ता कर्मचारीका लागि र ४ लाख कित्ता म्यूचअल फण्डका लागि छुट्याइएको र बाँकी ७ करोड ५८ लाख ४० हजार कित्ताका लागि सर्वसाधारणले भर्न पाउने शेयर निष्कासन तथा बिक्री प्रवन्धक एनआईबीएल एस क्यापिटलले जनाएको छ ।
आईपीओमा कम्तिमा १० देखि बढीमा २ करोड कित्तासम्म आवदेन गर्न सकिनेछ । आवेदन दिन मिल्ने समय छिटोमा ६ माघ तोकिएको छ । उक्त अवधिसम्म तोकिए बराबर आवेदन नपरे पुनः समय थप हुने विक्रि प्रबन्धकले जनाएको छ ।
पछिल्लो समय शेयर कारोबारका लागि डिम्याट खाता खोल्ने क्रम बढेको छ । अझ आईपीओमा नागरिकको आकर्षण बढ्दो छ ।
पछिल्लोपटक चन्द्रागिरी हिल्सको आइपीओ झण्डै १३ लाख जनाले भरेका थिए । यो भन्दा केही बढीले शेयर भरेपनि ३० कित्तासम्म पर्ने निश्चित जस्तै रहेको शेयरका विश्लेषकहरु बताउँछन् । सबैले नभर्ने सम्भावना पनि रहेकाले ५० देखि ८० कित्तासम्म आवेदन दिनु उपयुक्त हुने उनीहरुको सुझाव छ ।
मकालु खबर
