बञ्चराे प्रहार गरी श्रीमतीको हत्या

तेह्रथुम । आफ्नै श्रीमतीकाे हत्या अभियाेगमा श्रीमान् पक्राउ परेका छन् ।

४७ वर्षीया श्रीमती मइतरानी लिम्बुको हत्या गरेको अभियोगमा लालिगुराँस नगरपालिका-३ मुसाङ्खेल माथिल्लो लिम्बु टोल बस्ने ४३ वर्षीय नर बहादुर लिम्बुलाई आइतबार बिहान प्रहरीले पक्राउ गरेको हाे ।

घरायसी विवादको क्रममा नर बहादुरले बञ्चरोले टाउकोमा प्रहार गर्दा मइतरानीको घट्नास्थलमै मृत्यु भएको प्रहरीले जनाएकाे छ । अहिले घटनाबारे थप अनुसन्धान भइरहेकाे इलाका प्रहरी कार्यालय बसन्तपुरले जनाएकाे छ ।