ओली समूहमा साइबर सेना मात्रै छन् : माधव नेपाल

काठमाडौं । नेकपा नेपाल-दाहाल समूहका अध्यक्ष माधवकुमार नेपालले प्रधानमन्त्री केपी शर्मा ओलीको समूहमा साइबर सेना मात्रै भएकाे जिकिर गरेका छन् । असल मानिसजति सबै आफ्नो समूहमा रहेको उनकाे दाबी छ ।

‘ओली समूहमा सबै साइबर सेना र आसेपासे मात्रै छन् । त्यहाँ क्रान्तिकारी छैनन् । असल मानिसहरू सबै हामीसँग मात्रै छन्,’ अखिल नेपाल शिक्षक संघको प्रथम राष्ट्रिय परिषद् बैठकलाई सम्बोधन गर्दै नेता नेपालले भने । भ्रममा परेर ओली समूहमा लागेकालाई पनि आफ्नै समूहमा ल्याउनुपर्ने उनको भनाइ छ ।

यस्तै उनले नेकपासँग ओलीको कुनै साइनो नभएको पनि तर्क गरे । सूर्य चिन्ह आफूहरुकै हुने उनको दाबी छ ।