विप्लव नेतृत्वको नेकपा वार्ताका लागि सकारात्मक
मकालु खबर २०७७ फागुन ८ गते
|फाइल फोटो। तस्वीरः|
काठमाडौं । नेत्रविक्रम चन्द विप्लव नेतृत्वको नेकपा सरकारसँग वार्ताका लागि सकारात्मक भएको छ ।
नेकपाका महासचिव विप्लवले शनिबार विज्ञप्ति निकालेर वार्ताका लागि सकारात्मक रहेको बताएका हुन् ।
यसका लागि जनसमुदायमा सहज गतिविधि र कार्यक्रम गर्ने वातावरण बन्नुपर्ने विप्लवको माग छ ।
‘आम जनसमुदायमा सहज गतिविधि र कार्यक्रम गर्ने वातावरण बन्ने अवस्थामा हाम्रो पार्टी सरकारसँग सम्वाद र वार्ताका लागि सकारात्मक रहेको विषय सबैमा जानकारी गराउँदछौं ।’ विप्लवले हस्ताक्षर गरेको विज्ञप्तिमा भनिएको छ ।
सरकारले विप्लव नेतृत्वको नेकपालाई प्रतिबन्ध लगाएको छ ।
मकालु खबर २०७७ फागुन ८ गते
प्रतिक्रिया
सम्बन्धित
