असार २५ मा दिनेश निर्देशित चलचित्र ‘दुस्प्रयास’ प्रदर्शन हुने

काठमाडौँ । चलचित्र ‘दुस्प्रयास’ को फर्स्ट लुक सार्वजनिक गर्दै प्रदर्शन मिति तय गरिएको छ । चलचित्र आगामी असार २५ गते रिलिज हुने भएको हो ।

रितादेवी मुभिजद्वारा निर्माण गरिएको चलचित्रको मङ्गलबार राजधानीमा नेकपा माओवादी स्थायी कमिटी सदस्य एवं पूर्वमन्त्री देव गुरुङले अनावरण गरे । कार्यक्रममा चलचित्रका कथाकार तथा निर्देशक दिनेश लिङ्देनले कोभिड महामारीको अवस्थामा पनि आफूले जोखिम मोलेरै चलचित्र रिलिज गर्ने बताए ।

चलचित्रमा निशा पोमु लिम्बु, सोम लामा, प्रिजन श्रेष्ठ, सुस्मिता कार्की, अजय खडका, कल्याण राई, निरु महत, देवीका खड्का, प्रदीप योङहाङ, दिलीप ठकुरी, महेन्द्रकुमार राई, विवेक बेघा लिम्बु, छेवाङ लामा तथा बाल कलाकार सुदिता लिङदेनको अभिनय छ ।

दिनेश लिङ्देनको कथा र निर्देशन रहेको चलचित्रमा जानु काम्बाङ लिङ्देन र शङ्कर अधिकारी घायलको गीत, विकास चौधरी, राजकुमार बगरको संगीत, राजेश पायल राई, अमृता लिम्बु, दिनेश लिङ्देन र श्रेयसी चेम्जोङको स्वर छ । सुमित लिङ्देनको प्रस्तुति रहेको चलचित्रमा जनक कार्कीको नृत्य, राजु किराँतीको द्वन्द्व र ज्ञानु राईको छायांकन रहेको छ ।