ट्याक्सी दुर्घटनामा २ जनाको मृत्यु

काठमाडाैँ । बागलुङमा ट्याक्सी दुर्घटनामा परी २ जनाको मृत्यु भएको छ । मंगलबार साँझ ध१ज ५२८ नंको ट्याक्सी ढोरपाटन नगरपालिका-५ प्याङखोलास्थित घुम्तीमा दुर्घटना भएको हो ।

प्रहरीका अनुसार बागलुङमा अनुसार सो ट्याक्सी बुर्तिबाङबाट ढोरपाटन जाँदै थियो । दुर्घटनामा परी ट्याक्सी चालक ३५ वर्षीय ढाल बहादुर थापा र ढोरपाटन नगरपालिका-५ का ४० वर्षीय जोकबहादुर विकको मृत्यु भएको इलाका प्रहरी कार्यालय बुर्तिबाङका इन्चार्ज प्रहरी निरीक्षक जयराम वन्तले जानकारी दिए ।

दुर्घटनामा सोही ठाउँकी ३८ वर्षीय रतिकला विक घाइते भएको प्रहरी निरीक्षक वन्तले बताए । उनको बुर्तिबाङ प्राथमिक स्वास्थ्य केन्द्रमा उपचार भइरहेको छ । दुर्घटनाको कारण खुल्न सकेको छैन ।