नेपाल पक्षका १४ जना प्रदेश सांसदलाई स्पष्टीकरण

काठमाडौं । नेकपा एमालेले बागमती प्रदेश सभामा आफ्नै पार्टीका १४ जना सदस्यलाई स्पष्टीकरण सोध्ने निर्णय गरेको छ । शनिवार बसेको एमाले बागमती प्रदेश संसदीय बोर्डको बैठकले राष्ट्रिय सभा उपनिर्वाचनमा पार्टीका उम्मेदवार रामबहादुर थापालाई हराउन भूमिका खेलेको भन्दै १४ जना  प्रदेश सभा सदस्यलाई २४ घण्टे स्पष्टीकरण सोध्ने निर्णय गरेको मुख्य सचेतक दीपक निरौलाले जानकारी दिए ।

उनीहरुलाई आइतबार बेलुका ५ बजेसम्म स्पष्टीकरण बुझाउन निर्देशन दिइएको उनले बताए ।  उनीहरु सबै माधव नेपाल समूहका हुन् ।

स्पष्टीकरण आएपछि कारबाहीको थप प्रक्रिया सुरु गर्ने तयारी रहेकाे एमाले श्राेतले जनाएकाे छ ।