विषालु च्याउ खाँदा दुईको मृत्यु
२०७८ जेठ २६ गते
प्रतिकात्मक तस्बिर
काठमाडाैँ । इलामको सन्दकपुर गाउँपालिका वडा नम्बर १ खोलाघारीका दुई जनाको विषालु च्याउ खाँदा मृत्यु भएको छ ।
५० वर्षीय टीकाबहादुर राई र ५२ वर्षीय जीतबहादुर राईको मंगलबार मृत्यु भएको हो । दुवैले गत शनिबार इलाम नगरपालिका वडा नम्बर ३ पुवामझुवाका वीरमान राईका घरमा जंगली च्याउ खाएका थिए ।
जिल्ला प्रहरी कार्यालय झापाका सूचना अधिकारी राकेश थापाका अनुसार टीकाबहादुरको बिर्तामोडको बिएण्डसी हस्पिटलमा उपचारका क्रममा मंगलबार मृत्यु भएको हो । यस्तै जीतबहादुरको आफ्नै घरमा मृत्यु भएको हो ।
वीरमान र उनकी पत्नी विष्णुकुमारी पनि बिरामी छन् । उनीहरूलाई बिएण्डसी हस्पिटलमा उपचारका लागि ल्याइएको थियो । उपचारपछि उनीहरु घर फर्केका छन् ।
२०७८ जेठ २६ गते
प्रतिक्रिया
सम्बन्धित
