थप १३३३ जना कोरोनामुक्त‚ २९७९ मा संक्रमण‚ २८ को मृत्यु

काठमाडौं । पछिल्लो २४ घण्टामा देशभर एक हजार ३३३ जना संक्रमित संक्रमणमुक्त भएका छन् । योसँगै हालसम्म ९ हजार २९१ जना संक्रमितको निको भइसकेका छन् ।

त्यस्तै बुधबार देशभर दुई हजार ९७९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा देशभरका प्रयोगशालामा गरिएको ११ हजार ८९८ जनाको पिसिआर र एन्टीजेन परीक्षणमा दुई हजार ६३४ जनामा संक्रमण पुष्टि भएको स्वास्थ्य मन्त्रालयले जनाएको छ ।

स्वास्थ्य मन्त्रालयका अनुसार ७ हजार ८३५ जना पीसीआर परीक्षण गर्दा २ हजार ७७ र ४ हजार ६३ जनाको एन्टीजेन परीक्षण गर्दा ९०२ जनामा संक्रमण पुष्टि भएको हो ।

त्यस्तै पछिल्लो २४ घण्टामा २८ जना संक्रमितको मृत्यु भएको छ ।