कार्यदलले भन्यो- स्थानीय तहलाई प्रदेशको मातहत ल्याउन सिफारिस गरिएको छैन
मकालु खबर
काठमाडौँ । सरकार सञ्चालनमा सहजीकरणका लागि गठित कार्यदलले साझा न्युनतम कार्यक्रममा स्थानीय तहलाई प्रदेशको मातहत ल्याउन कार्यदलले सिफारिस नगरेको बताएको छ । कार्यदलका संयोजक नेपाली कांग्रेसका महामन्त्री पूर्णबहादुर खड्काले सामाजिक सञ्जालमार्फत यस्तो बताएका हुन् ।
संविधान विपरीतको सिफारिस कार्यदलले कल्पनासमेत गर्न नसक्ने उनले स्पष्ट पारे । ‘वर्तमान संयुक्त सरकारको साझा न्यूनतम कार्यक्रममा स्थानीय निकायलाई प्रदेशको मातहत ल्याउन कार्यदलले सिफारिस गरेको भनी निरन्तर प्रचारित झुटा खबरबाट सृजित अन्योललाई प्रष्ट पार्नु हाम्रो कर्तव्य ठानेका छौं,’ उनले भनेका छन्, ‘संविधान विपरीतको सिफारिस कार्यदलले कल्पना गर्न सक्तैन ।’
बर्तमान संयुक्त सरकारकाे साझा न्युनतम कार्यक्रममा स्थानिय निकायलाई प्रदेशकाे मातहत ल्याउँन कार्यदलले सिफारिस गरेकाे भनी हिजाे देखि निरन्तर प्रचारित झुटा खबरबाट सृजित अन्याेल लाई प्रष्ट पार्नु हाम्राे कर्तब्य ठानेका छाै🙏 संविधान बिपरितकाे
सिफारिस कार्यदलले कल्पना गर्न सक्तैन🙏 pic.twitter.com/MDfPZwk2Ze— Purna Bahadur Khadka (@NCPurnaKhadka) August 7, 2021
मकालु खबर
