चलचित्र ‘उल्झन’ युट्युवमा रिलिज

काठमाडौँ । चलचित्र हल खुल्ने अनिश्चित हुँदा चलचित्र ‘उल्झन’ हलमा नलाग्दै युट्युबमा सार्वजनिक भएको छ । साउन २९ गते म्युजिक नेपाल मुभिजको युट्युब च्यानलमा रिलिज भएको चलचित्रका निर्देशक राजु अधिकारी हुन् ।

चलचित्रमा ध्रुव दत्त, रजनी केसी, रामचन्द्र अधिकारी, बेनी ढुङ्गाना लगायतको अभिनय छ । तेजेन्द्र कँडेलको प्रस्तुति र नारायण ढुङ्गाना कार्यकारी निर्माता रहेको चलचित्रमा रामणी न्यौपाने र दिनेश गौतमको सङ्गीत, कुमार महर्जनको द्वन्द्व, शिव विकको नृत्य, लक्ष्मण घिमिरेको छायाङ्कन र आरती अधिकारीको लेखन छ ।

चलचित्र युरोपका विभिन्न देश र लन्डनमा रेड कार्पेट प्रिमियर भएको थियो, जहाँ दर्शकबाट सकारात्मक प्रतिक्रिया मिलेको थियो । युरोपका विभिन्न स्थानमा छायाङ्कन भएको चलचित्र नवीन अधिकारी र हरि कार्कीले संयुक्त रूपमा निर्माण गरेका हुन् ।