टुंगियो कांग्रेस क्रियाशील सदस्यता विवाद, आजै देउवालाई प्रतिवेदन बुझाइने
रमेश लेखक भन्छन्- ‘अब कुनै खाले विवाद देखिँदैन’
मकालु खबर
२०७८ भदौ ६ गते
काठमाडौँ । नेपाली कांग्रेसमा देखिएको क्रियाशील सदस्यतासम्बन्धी विवाद टुंगिएको छ । क्रियाशील सदस्यताको बाँकी काम टुंगो लगाउन गठित तीन सदस्यीय समितिले विवाद टुंगिएको जनाएको हो ।
कांग्रेस केन्द्रीय समिति बैठकले विवादित क्रियाशील सदस्यता सम्बन्धी काम सहमतिमै टुंग्याउन पूर्वमहामन्त्री कृष्णप्रसाद सिटौला, केन्द्रीय सदस्यद्वय मिनेन्द्र रिजाल र रमेश लेखकलाई जिम्मेवारी दिएको थियो । ‘हामीले सदस्यतासम्बन्धी विवादलाई टुंगो लगाएका छौं,’ लेखकले भने, ‘प्रतिवेदन आजै बुझाउँदैछौँ, अब कुनै खाले विवाद देखिँदैन ।’
कांग्रेसले मंसिरमा १४ औं महाधिवेशन गर्ने तयारी गरेको छ। क्रियाशील सदस्यताका विवाद टुंगिएपछि सभापति देउवाले अध्ययन गर्ने र केन्द्रीय निर्वाचन समितिलाई अन्तिम नामावली बुझाएपछि निर्वाचनको प्रक्रिया सुरू हुनेछ ।
मकालु खबर
२०७८ भदौ ६ गते
प्रतिक्रिया
सम्बन्धित