१७५६ संक्रमित थपिए, २२७४ कोरोनामुक्त

काठमाडौँ । नेपालमा शुक्रबार थप १ हजार ७ सय ५६ जनामा कोरोना संक्रमण पुष्टि भएको छ ।

देशभर गरिएको ९ हजार ७ सय ७३ पीसीआर परीक्षणका क्रममा १ हजार ३ सय ५७ र ४ हजार ५ सय ६१ एन्टीजेन परीक्षणका क्रममा ३ सय ९९ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको संख्या ८ लाख ५१ हजार ९ सय ६४ पुगेको छ ।

त्यस्तै कोरोनाका कारण थप २३ जनाको मृत्यु भएको छ । हालसम्म नेपालमा १० हजार ८ सय ९ जनाले कोरोनाका कारण ज्यान गुमाएका छन् ।

सोहि अवधिमा थप २ हजार २ सय ७४ संक्रमित कोरोनामुक्त हुँदा हालसम्म नेपालमा ७ लाख २३ हजार ४५६ जना संक्रमणमुक्त भएका छन् । हाल ३३ हजार ७ सक्रिय संक्रमित आइसोलेसन र २७४ जना क्वारेन्टाइनमा छन् ।

त्यस्तै अहिलेसम्म नेपालमा ३९ लाख ४६ हजार १८९ वटा पीसीआर र ४ लाख ८१ हजार ८२१ वटा एन्टीजेन परीक्षण गरिएको मन्त्रालयले जनाएको छ ।