एमाले विधान महाधिवेशन : प्रतिवेदनमाथि समूहगत छलफल शुरू

काठमाडौँ । नेकपा (एमाले) को विधान महाधिवेशनको दोश्रो दिन शनिबार (आज) समूहगत छलफल शुरू भएको छ । शुक्रबार (हिजो) देखि ललितपुरको गोदावरी सम्मेलन केन्द्रमा शुरू भएको महाधिवेशनमा पेस भएका तीनवटा प्रतिवेदनमाथि समूहगत छलफल शुरू भएको हो ।

• यो पनिः
  पोखरेलले औंल्याए एमालेमा यी समस्याहरू
  एमालेमा पोलिटब्यूरो र उपमहासचिव खारेज हुन्छ ? [पूर्णपाठ]
  बिजुलीका पोलदेखि बोतलसम्म मुस्कुराइरहेका ओली
  ओलीको प्रतिवेदन : प्रचण्डको चर्को आलोचना
  ओलीको प्रतिवेदन- ‘नयाँ युगतर्फको यात्रा गन्तव्यहीन बनेको छ’ [पूर्णपाठ]

महाधिवेशनमा पेस भएका दस्ताबेजमाथि छलफल गर्न प्रतिनिधिहरूलाई १० वटा समूहमा विभाजन गरिएको छ । समूहगत रुपमा विभाजित जनप्रतिनिधिहरुले अध्यक्ष केपी शर्मा ओलीले प्रस्तुत गरेको राजनीतिक प्रतिवेदन, महासचिव ईश्वर पोखरेलले प्रस्तुत गरेको सांगठनिक प्रतिवेदन र उपमहासचिव विष्णुप्रसाद पौडेलले प्रस्तुत गरेको विधान संशोधन प्रस्तावमाथि छलफल गर्नेछन् ।

१० वटा समूहलाई सहजीकरण गर्न २० जना नेताहरुलाई जिम्मेवारी दिइएको छ भने महाधिवेशनलाई व्यवस्थित रूपमा सञ्चालन गर्न ५ वटा कमिटी गठन गरिएको छ । समूहगत छलफल सकिएपछि पूर्ण बैठक बस्ने नेता शेरबहादुर तामाङले जानकारी दिए । यसपछि समूहको निष्कर्ष सुनाइनेछ । समूहको निष्कर्षपछि आइतबार (भोलि) महाधिवेशन सकिनेछ ।