पूर्वफिफा रेफ्री लव खत्रीको निधन

काठमाडौँ । पूर्वफिफा रेफ्री तथा रेफ्री एसोसिएसन नेपालका महासचिव लव खत्रीको निधन भएको छ । महासचिव खत्रीको सोमबार बिहान निधन भएको अखिल नेपाल फुटबल संघ (एन्फा)ले जनाएको छ ।

सोमबार बिहान घरको बाथरुममा अचेत अवस्थामा फेला परेका खत्रीको उपचारका लागि अस्पताल लैजाँदा बाटोमै मृत्यु भएको हो । हाल उनी रेफ्री प्रशिक्षकका रूपमा काम सक्रिय थिए ।

खत्रीको पार्थिव शरीर अन्तिम श्रद्धाञ्जलीका लागि अहिले १२ बजेदेखि एन्फा कम्प्लेक्स सात दोबाटोमा राखिने एन्फाले जनाएको छ । खत्रीका श्रीमती र एक छोरा छन्।