१,०४३ कोरोना संक्रमित थपिँदा ८९१ कोरोनामुक्त

काठमाडौं । नेपालमा बुधबार थप १ हजार ४३ जनामा कोरोना संक्रमण पुष्टि भएको छ । देशभर गरिएको ११ हजार १६५ पीसीआर परीक्षणका क्रममा ८४९ जना र ४ हजार ३०० एन्टीजेन परीक्षणका क्रममा १९४ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

याेसँगै नेपालमा कोरोना संक्रमितको संख्या ८ लाख ९२ हजार २६७ पुगेको छ । त्यस्तै कोरोनाका कारण थप १२ जनाको मृत्यु भएको छ । हालसम्म नेपालमा कोरोनाका कारण ११ हजार १ सय ९२ जनाले ज्यान गुमाएका छन् ।

त्यस्तै थप ८९१ संक्रमित कोरोनामुक्त हुँदा हालसम्म नेपालमा ७ लाख ७२ हजार २९९ जना कोरोनामुक्त भएको मन्त्रालयले जनाएको छ । हाल नेपालमा १६ हजार १ सय ९४ सक्रिय संक्रमित आइशोलेशन र ४ सय ६७ जना क्वारेन्टाइनमा छन् ।