रियल म्याड्रिड रोकियो, बार्सिलोनाको हार

काठमाडौँ । स्पेनिस ला लिगा अन्तर्गत रियल म्याड्रिड बराबरीमा रोकिएको छ भने बार्सिलोना पराजित भएको छ । गएराती सम्पन्न खेलमा रियल म्याड्रिड ओसासुनासँग गोल रहित बराबरीमा रोकिएको हो ।

त्यस्तै अर्को खेलमा बार्सिलोना रायो भल्लेकानोसँग १-० गोल अन्तरले पराजित भएको छ । रायोका लागि खेलको ३०औँ मिनेटमा राडामेल फल्काओले गरेको गोल खेलको निर्णायक गोल बनेको थियो ।

यस खेलपछि रियल म्याड्रिड १० खेलमा ६ जित, एक हार र ३ बराबरी खेल्दै २१ अङ्कसहित शीर्ष स्थानमा रहेको छ । त्यस्तै बार्सिलोनाको १० खेलमा १५ अंक छ र ९औँ स्थानमा रहेको छ ।

त्यस्तै रियललाई बराबरीमा रोकेको ओसासुनाको ११ खेलमा १९ अंक छ र अङ्कतालिकामा छैटौँ स्थानमा रहेको छ । त्यसैगरी बार्सिलोनालाई पराजित गरेर रायो भल्लेकानो ११ खेलमा १९ अङ्कसहित पाँचौँ स्थानमा उक्लिएको छ ।