राष्ट्रिय क्रिकेट टिमको मुख्य प्रशिक्षकका लागि ६० जनाले दिए आवेदन

काठमाडौँ । नेपाली राष्ट्रिय क्रिकेट टिमको मुख्य प्रशिक्षक बन्न ६० जनाले इच्छा देखाएका छन् । नेपाल क्रिकेट संघ (क्यान)ले खोलेको विज्ञापनमा ६० जनाले आवेदन दिएको क्यानले जनाएको छ । आवेदनको म्याद हिजोसम्म थियो ।

आवेदकहरूमध्येबाट सर्ट लिस्ट गरी अन्तरवार्ताको लागि बोलाइने पनि क्यानले जनएको छ । डेभ व्हाटमोरले राजीनामा दिएपछि नेपालको मुख्य प्रशिक्षक पद खाली छ ।

गएको डिसेम्बर महिनामा एक वर्षको लागि भनेर अनुबन्ध भएका व्हाटमोरले बिचैमा नेपाली टिम छोडेका थिए । उनले परिवारसँग समय बिताउन नेपाल छोड्न लागेको भनेपनि उनी लगत्तै भारतीय क्लबमा अनुबन्ध भएका थिए ।

60 applications were received for the post of National Cricket Team Head Coach.

The selection committee formed by Cricket Association of Nepal (CAN) will carry out interview with shortlisted applicants in few days.

— CAN (@CricketNep) November 1, 2021