थप ४३९ जना कोरोनामुक्त हुँदा ४४७ मा संक्रमण

काठमाडौँ । नेपालमा बुधबार थप ४ सय ४७ जनामा कोरोना संक्रमण पुष्टि भएको छ ।

देशभर गरिएको ६ हजार ५ सय ७७ पिसिआर परिक्षणका क्रममा ३ सय ९५ र ३ हजार ३ सय ३६ एन्टीजेन परिक्षणका क्रममा ५२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको संख्या ९ लाख ८ हजार ५५४ पुगेको छ ।

त्यस्तै कोरोनाका कारण थप ७ जनाको मृत्यु भएको छ । हालसम्म नेपालमा कोरोनाका कारण ११ हजार ४ सय ३४ जनाको मृत्यु भएको मन्त्रालयले जनाएको छ ।

त्यस्तै थप ४ सय ३९ संक्रमित कोरोनामुक्त हुँदा हालसम्म नेपालमा ७ लाख ९३ हजार २ सय ७१ जना निको भएका छन् । हाल नेपालमा ९ हजार १ सय २३ सक्रिय संक्रमित आइसोलेसन र १ सय २१ जना क्वारेन्टाइनमा रहेको मन्त्रालयले जनाएको छ ।