फेरि सर्यो ए डिभिजन लिग
मकालु खबर
काठमाडौँ । नेपाली फुटबलको सर्वाधिक प्रतिष्ठित मानिएको शहीद स्मारक ए डिभिजन लिगको मिति फेरि सरेको छ ।
२९ कात्तिकबाट सुरु हुने भनिएको लिग अब ३ मंसिरबाट सुरु हुने अखिल नेपाल फुटबल संघ (एन्फा)ले जनाएको छ।
एन्फाका महासचिव इन्द्रमान तुलाधरले लिगका खेलहरू शुक्रबार, शनिबार र आइतबार हुने जानकारी दिए । उनले भने‚ ‘क्लबसँगको सल्लाहमा हप्ताका अन्तिम तीन दिन खेलहरू हुनेछन् । तोकिएको खेल तालिकामा मितिमात्र हेरफेर हुनेछ ।’
एन्फाले क्लबहरूको सल्लाहअनुसार नै लिगको नयाँ मिति तय गरेको जनाएको छ । एन्फाले यसअघि नै खेल तालिका निर्धारण गरिसकेको छ । एन्फाले बिहीबार नै कान्तिपुर टेलिभिजनसँग प्रत्यक्ष प्रसारणका लागि सम्झौता समेत गरेको छ ।
कान्तिपुरसँग एन्फाले १ वर्षसम्मको सम्झौता गरेको हो । लाइभ प्रसारणका लागि समेत कान्तिपुरले केहि समय मागेपछि एन्फाले नयाँ मिति सार्वजानिक गरेको हो ।
मकालु खबर
