‘एक्स ९’ मा सुधांशु जोशी अनुबन्धित

काठमाडौँ । अभिनेता सुधांशु जोशी लामो समयपछि नयाँ चलचित्रमा अनुबन्धित भएका छन् । उनले मुकुन्द भट्टले निर्देशन गर्न लागेको चलचित्र ‘एक्स ९’मा काम गर्ने भएका हुन् ।

जोशी हाल अमेरिकामा बसोबास गरिरहेका छन् । चलचित्रमा अनमोल केसी, सौगात मल्ल, पुष्प खड्का, अनुपविक्रम शाही, राज कटुवाल लगायतका कलाकारको अभिनय रहने पक्का भइसकेको छ । चलचित्रको छायाङ्कन फेब्रुअरी महिनाबाट सुरु हुनेछ ।

चलचित्रलाई नेपालसँगै युरोपका विभिन्न देश र अमेरिकामा पनि खिचिने निर्माण पक्षको भनाइ छ । यो चलचित्रका कार्यकारी निर्माता निर्मल कुमार मिश्र हुन् । चलचित्रमा वीरेन्द्र कुँवर, मुकुन्द भट्ट, चन्द्र पन्त, विदुर घण्टे र प्रदीप थापाको लगानी रहनेछ ।