प्रस्तावित तीन राजदूतको नाम अनुमोदन

काठमाडौँ । प्रस्तावित तीन राजदूतको नाम संसदीय सुनुवाइ समितिले अनुमोदन गरेको छ । भारत, अमेरिका र बेलायतका लागि प्रस्तावित राजदूतहरूको नाम समितिले अनुमोदन गरेको हो ।

सोमबार संसदीय सुनुवाइ समितिमा सांसदहरूको प्रश्नको जवाफ दिएपछि भारतका लागि प्रस्तावित राजदूत डा. शंकर शर्मा, अमेरिकाका लागि प्रस्तावित राजदूत श्रीधर खत्री र बेलायतका लागि प्रस्तावित राजदूत ज्ञानचन्द्र आचार्यको नाम सर्वसम्मतले अनुमोदन भएको हो ।

गत कात्तिक ११ गते बसेको मन्त्रिपरिषद् बैठकले भारत, अमेरिका र बेलायतका लागि राजदूत सिफारिस गरेको थियो । प्रस्तावित राजदूतहरूको नाम संसदीय समितिबाट अनुमोदन भएपछि उनीहरूलाई राष्ट्रपतिले नियुक्त हुने व्यवस्था छ ।