‘चिसो एस्ट्रे’को प्रदर्शन मिति तय

काठमाडौँ । चलचित्र ‘चिसो एस्ट्रे’को प्रदर्शन मिति तय भएको छ । दिनेश पाल्पाली (दिन्स)ले निर्देशन गरेको यो चलचित्र  चैत ४ मा सार्वजनिक प्रदर्शनमा आउने भएको हो ।

चलचित्रमा दिव्य देव, निकुन श्रेष्ठ, नवीन लम्साल, सुशील राज पाण्डे, रबिन तामाङ र सृष्टि श्रेष्ठको मुख्य भूमिका रहेको छ । कङ्गारु क्रिएसन र लोकल सिनेमाको संयुक्त ब्यानरमा बनेको चलचित्र महेशबाबु तिमल्सिनाले प्रस्तुत गरेका हुन् ।

निर्माणमा महेश बाबुलाई प्रबिन स्याङ्बा र सुस्मिता पराजुलीले सघाएका छन् । चलचित्रमा दिन्सले लेखन, निर्देशनसँगै गीतकारको पनि भूमिका निर्वाह गरेका छन् । चलचित्रमा अजर जङ्गमको संगीत रहेको छ ।

चलचित्र काठमाडौँमा रिच इन्टरटेनमेन्ट र जिजिए ग्रुपले वितरण गर्नेछ भने काठमाडौँबाहिर एफडी कम्पनीले वितरण गर्नेछ ।