‘चपली हाइट ३’लाई पिजी सर्टिफिकेट

काठमाडौँ । चलचित्र ‘चपली हाइट ३’ सेन्सर पास भएको छ । केन्द्रीय चलचित्र जाँच समितिले चलचित्रलाई ‘पिजी’ सर्टिफिकेट दिँदै प्रदर्शनका लागि खुल्ला गरेको हो । यो चलचित्र १६ वर्षमुनिका दर्शकले अभिभावकको साथमा मात्र हेर्न पाउनेछन् ।

आगामी शुक्रबारबाट प्रदर्शनमा आउने चलचित्र अर्जुनकुमारले निर्माण गरेका हुन् । निकेश खड्काको निर्देशन रहेको चलचित्र क्राइम थ्रिलर जनरामा निर्माण भएको हो ।

स्वस्तिमा खड्का, आमिर गौतम, सुपुष्पा भट्ट, महेश त्रिपाठी, प्रतिकमान श्रेष्ठ, अर्पण थापा लगायतका कलाकारको मुख्य भूमिका रहेको चलचित्रमा दीपा श्री निरौला, लक्ष्मी बर्देवा, लोकेन्द्र लेखक, विशाल पहारी, जीवन भट्टराई, सुष्मा निरौलाको समेतको अभिनय देख्न सकिन्छ ।