चलचित्र ‘डोरी’ निर्माण हुने

काठमाडौँ । जी सेभेन प्रोडक्सनसले चलचित्र ‘डोरी’ निर्माणको घोषणा गरेको छ । अरुण लामाले पहिलो पटक यही चलचित्रमार्फत फिचर चलचित्र निर्देशनमा डेब्यु गर्दैछन् ।

चलचित्रमा सिद्धार्थ सिंह, सरोज लामिछाने, वीरेन्द्र सिंह, श्रवण क्षेत्री, राज पौडेल, राज थापा, मिलन राई, सौरभ नूतन, प्रिन्स शेर्पा, विशाल किराँती, पूर्ण नेपाली, भीम मगर लगायत कलाकारसँगै निर्देशक लामाको समेत अभिनय रहने छ ।

चलचित्र एक्सन, कमेडी र हररको मिश्रण रहने निर्माण टिमको दाबी छ । निर्माण टिमले चलचित्रका लागि बाँकी कलाकारको समेत खोजी गरिरहेको छ ।