केकीको ‘सिल्ली फो’ को छायांकन सकियो

काठमाडौँ । राज बहादुर सानेको निर्देशनमा निर्माण भएको चलचित्र ‘सिल्ली फो’को छायांकन सकिएको छ । चलचित्रको छायांकन नेपालगन्ज आसपासका ठाउँमा भएको थियो । कमेडी जनरामा निर्माण भएको चलचित्र निर्माण टिमले मुख्य अभिनेत्री केकी अधिकारीलाई जन्मदिनको शुभकामना दिँदै गरेको हो ।

चलचित्रमा केकीका अलावा धिरेन शाक्य, रवीन्द्र झा, राजाराम पौडेल, दीपक थापा, पूर्णचन्द्र पोखरेल, अनिता लामिछाने लगायताका कलाकारको अभिनय रहेको छ । यही चलचित्रबाट दिनेश रेग्मी, भूगोल कार्की र रमेश बजगाईँले अभिनयमा डेव्यु गर्दै छन् । ह्याप्पी फिल्म प्रा.लिको व्यानरमा निर्माण भएको चलचित्रका निर्माता मनोज डिके हुन् ।

विशाल श्रेष्ठ र सागर विष्ट सह-निर्माता रहेको चलचित्रमा रबी केसीको मेकअप, शिव विकको कोरियोग्राफी, देव महर्जनको द्वन्द्व निर्देशन, दिव्यराज सुवेदीको छायांकन, तारा थापा किम्भेको सम्पादन छ ।