सिटौलालाई भेट्न पुगे विश्वप्रकाश

काठमाडौँ । नेपाली कांग्रेसका नवनिर्वाचित महामन्त्री विश्वप्रकाश शर्माले नेता कृष्णप्रसाद सिटौलालाई भेटेका छन् । महामन्त्री शर्मा आइतबार सिटौला निवास विशालनगर नै पुगेर नेता सिटाैलालाई भेटेका हुन् ।

सिटौला सचिवालयकाअनुसार भेटमा नेता सिटौलाले शर्मालाई महामन्त्रीमा निर्वाचित भएकोमा बधाई तथा आशीर्वाद दिएका थिए । सिटौलाले आफ्नो प्यानलबाट प्रदीप पौडेललाई महामन्त्रीमा अघि बढाएका थिए । तर उनी पराजित भए । प्रदीपसँगै प्रकाशशरण महत, मीनेन्द्रप्रसाद रिजाललगायतका प्रतिद्वन्द्वीलाई पराजित गर्दै शर्मा र गगनकुमार थापा महामन्त्री बनेका छन् ।