चलचित्र ‘फिदा’को दोस्रो गीत सार्वजनिक

काठमाडौँ । चलचित्र ‘फिदा’को दोस्रो गीत ‘फेसबुकको रन्कोले’ सार्वजनिक भएको छ । नित्या शिवाको आवाज रहेको उक्त गीतमा राजेन्द्र श्रेष्ठको संगीत, राजन महर्जन र प्रेमा मगरको अभिनय रहेको छ ।

मोहन गमालको प्रस्तुति तथा शङ्कर अधिकारी घायलको लेखन/निर्देशन रहेको चलचित्रको पहिलो गीत केही दिन अघि सार्वजनिक भएको थियो । चलचित्रमा राजु पौड्याल, दीप्ति लामिछाने, प्रवेश लिम्बू, प्रतिभा राई, राजन महर्जन, प्रेमा मगर र सरोज शिवको अभिनय रहेको छ । चलचित्रमा विश्वास भण्डारीको छायांकन, राजन महर्जन को नृत्य, राजु किराँतको द्वन्द्व, विश्वास भण्डारी र अञ्जलि थापाको सम्पादन रहेको छ ।