ग्यापुको आयोजनामा ‘टिकटक अवार्ड’ सम्पन्न

काठमाडौँ । टिकटक प्रयोगकर्तालाई सम्मान गर्ने उद्देश्यसहित नेपाली इकमर्स ग्यापु मार्केटप्लेसले केही चर्चित टिकटक क्रिएटरलाई विभिन्न विधामा ‘टिकटक अवार्ड’ प्रदान गरेको छ ।

कार्यक्रममा वर्षा बस्नेतले ‘बेस्ट रिप्रिजेन्टेटिभ, पूजा एन्जलले ‘मस्ट लभेवल, केपी खनालले ‘दि सोसल एक्टिभिस्ट’, नृत्य ट्रुप नेपाललाई ‘बेस्ट डान्सिङ ट्रुप’, स्मारिका समारिकालाई ‘मस्ट कमेडियन ट्विन्स’ र पुरु सिग्देल र उनकी आमा विद्या सिग्देललाई ‘बेस्ट मदर सन’ अवार्ड प्रदान गरेको हो ।

यसैगरी शिक्षा सङ्ग्रौलालाई ‘मस्ट इन्टलेक्चुअल’, शिशिर भण्डारीलाई ‘बेस्ट कमेडियन एक्टर’, मुस्कान गुरागाईँलाई ‘मस्ट ट्यालेन्टेड’, निता लता सरोवरलाई ‘हाउस होल्ड कन्टेन्ट’, अनीश तामाङलाई ‘नेपाल फर्स्ट बडी पेन्टर’, बिपी श्रेष्ठलाई ‘मस्ट क्रियटिभ’ र विष्णु पाण्डेलाई ‘बेस्ट इन्टरटेनर’ विधामा अवार्ड प्रदान गरिएको छ ।

सौर्य भेटवालले ‘मस्ट अडोरेबल’ अवार्ड हात पारे भने पवित्रा ढुङ्गानालाई ‘मस्ट डेडिकेटेड’, ढुकुरे डनलाई ‘बेस्ट कमेडियन’, शिव पौडेललाई ‘बेस्ट फिटनेस मेल’, सिता तामाङलाई ‘बेस्ट फिटनेस फिमेल’, अपिल राईलाई ‘बेस्ट पर्फमर’ र अञ्जना अर्याललाई ‘हाउस होल्ड सेफ’ अवार्ड प्रदान गरिएको छ ।

राजधानीमा आयोजित कार्यक्रममा भ्वाइस अफ नेपालका कार्यकारी निर्माता सुशील नेपालले अवार्ड हस्तान्तरण गरेका थिए ।  कार्यक्रममा ग्यापु मार्केटप्लेसले सञ्चालन गरेको दसैँ तिहार महोत्सवको बम्पर उपहारअन्तर्गत लक्की ड्र गरी अप्रिलिया स्कुटरको विजेता समेत घोषणा गरिएको छ । विजेता आयुष्मा भट्टलाई केही दिन पछि स्कुटर हस्तान्तरण गरिने बताइएको छ ।