युट्युबमा पुष्पको ‘मङ्गलम’ सार्वजनिक

काठमाडौँ । चलचित्र ‘मङ्गलम’ युट्युबमा सार्वजनिक भएको छ । चलचित्रमा शिल्पा पोखरेल, पुष्प खड्का, साम्राज्ञी आरएल शाह, मिथिला शर्मा, पृथ्वीराज प्रसाईँ, निर शाह लगायतका कलाकारहरूको अभिनय रहेको छ ।

अभिनेता पुष्प खड्कालाई यही चलचित्रले २०७४ सालको ‘राष्ट्रिय चलचित्र पुरस्कार’मा उत्कृष्ट नायकको अवार्ड  दिलाएको थियो ।

छविराज ओझा प्रोडक्सन र गुण सिनेमा प्रालिको प्रस्तुतिमा तयार भएको यो चलचित्रमा गोविन्द फुयाँलको कथा, नवल नेपाल र गोविन्द फुयाँलको संवाद, विष्णु कल्पितको छायांकन, दीपक शर्माको संगीत र मित्र डी गुरुङको सम्पादन छ । चलचित्र नवल नेपालले निर्देशन गरेका हुन् ।