बीपी मेलमिलापको नीतिकै जगमा राजनीतिक परिवर्तन सम्भव : देउवा
मकालु खबर
काठमाडाैँ । प्रधान मन्त्री तथा नेपाली कांग्रेसका सभापति शेरबहादुर देउवाले मेलमिलापको नीतिकै जगमा लोकतन्त्र बहाली भएर राजनीतिक परिवर्तन सम्भव भएको बताएका छन् । राष्ट्रिय एकता तथा मेलमिलाप दिवसको अवसरमा आज शुभकामना दिँदै उनले बिपी कोइराला, गणेशमान सिंहलगायत नेताहरूको कारण राजनीतिक परिवर्तन सम्भव भएको बताएका हुन् ।
देउवाले नेताहरूको त्याग, संघर्ष र योगदानको उच्च सम्मान गरे । ‘२०३३ पुस १६ गते आजकै दिन बिपी कोइराला, गणेशमान सिंह लगायतका हाम्रा श्रद्धेय नेताहरूले राष्ट्रिय एकता तथा मेलमिलापको नीति लिई निर्वासित जीवन त्याग गरी स्वदेश फर्किनुभएको थियो, उहाँहरूको राष्ट्रिय एकता तथा मेलमिलापको नीतिकै जगमा लोकतन्त्र बहाली हुँदै अहिलेको राजनीतिक परिवर्तन सम्भव भएको हो,’ देउवाले सामाजिक सञ्जालमार्फत भनेका छन्, ‘आजको दिन हाम्रा नेताहरूको त्याग, संघर्ष र योगदानको उच्च सम्मान प्रकट गर्दछु ।’
२०३३पुस१६गते आजकै दिन वीपी कोइराला, गणेशमान सिंह लगायतका हाम्रा श्रदय नेताहरुले राष्ट्रिय एकता तथा मेलमिलापको नीति लिई निर्वासित जीवन त्याग गरी स्वदेश फर्किनु भएको थियो। उहाँहरुको राष्ट्रिय एकता तथा मेलमिलापको नीतिकै जगमा लोकतन्त्र बहाली हुदै राजनीतिक परिवर्तनन सम्भव भएको हो।
— Sher Bahadur Deuba (@SherBDeuba) December 31, 2021
प्रथम जननिर्वाचित प्रधानमन्त्री वीपी आफूमाथि आठवटा मृत्युदण्डका मुद्दा अदालतमा चलिरहेका बेला राष्ट्रिय एकता तथा मेलमिलापको नीति लिएर स्वदेश फर्केको सम्झनामा आज मेलमिलाप दिवस मनाइँदैछ ।
मकालु खबर
