सुदूरपश्चिमका राज्यमन्त्री तामाङका पीएसओ मृत फेला

धनगढी । सुदूरपश्चिम प्रदेशका अर्थराज्यमन्त्री माया तामाङ बोहराका पीएसओ प्रहरी हवल्दार रमेशदत्त जोशी मृत फेला परेका छन् । सन्चै नभएको भन्दै धनगढी विशालनगर घर गएका उनी घरमै मृत फेला परेका हुन् ।

जिल्ला प्रहरी कार्यालय कैलालीका प्रहरी नायब उपरीक्षक (डीएसपी) बेदप्रकाश जोशी अनुसार कोठामा भित्रबाट चुक्कुल लगाएको अवस्थामा मृत फेला परेका हुन् । बच्चासहित श्रीमती विवाहमा गएका बेला उनी घरमा एक्लै थिए ।

‘बच्चासहित श्रीमती आफन्तको विवाहमा बाहिर गएका बेला उनी दुई दिनदेखि घरमा एक्कलै थिए,’ उनले भन, ‘एकदिन अघि श्रीमतीको फोन सम्पर्कमै रहेका उनी बुधबार विहान फोन अफ देखिएपछि घरमा फर्किँदा उनी मृत फेला परेका हुन् ।’

डीएपी जोशीका अनुसार उनी टाउको दुखेको र ज्वरो आएको भन्दै घर गएका थिए । घटनास्थलको प्रक्रिया पुर्याएर पोष्टमार्टम गरिने उनले बताए ।