युएईको आक्रामक ब्याटिङ

काठमाडौँ । टी–ट्वेन्टी विश्वकप छनोटको सेमिफाइनलमा नेपाल र युएई खेलिरहेका छन् । टस जितेर ब्याटिङ थालेको युएईले आक्रामक ब्याटिङ गरिरहेको छ । दोस्रो ओभरमै पहिलो विकेट गुमाएपनि युएईका ब्याटरले आक्रामक ब्याटिङ गरिरहेका छन् । ६ ओभरको खेल सकिँदा युएईले १ विकेट गुमाएर ५८ रन बनाएको छ ।

युएईले चौथो ओभरमा १८ तथा पाँचौ र छैटौँ ओभरमा १३–१३ रन बटुल्यो । पहिलो विकेट जितेन्द्र मुखियाले विकेट लिएका हुन् ।

ओमानमा युएईले टस जितेर ब्याटिङ्ग रोजेपछि नेपालले पहिले फिल्डिङ गरिरहेको हो ।

आजको विजेता टी ट्वेन्टी विश्वकपमा छनोट हुनेछ । नेपाल समुहको विजेता बन्दै र युएई उपविजेता बन्दै सेमिफाइनलमा प्रवेश गरेका हुन् ।