अविनासले लिए एकै ओभरमा दुई विकेट

काठमाडौँ । टी–ट्वेन्टी विश्वकप छनोटको सेमिफाइनलमा युएईसँग खेलिरहेको नेपालका अविनास बोहोराले एकै ओभरमा दुई विकेट लिएका छन् । अविनासले खेलको सत्रौँ ओभरमा २ विकेट लिएका हुन् । उनले मोहम्मद वासिमलाई ७० रनमा आउट गरे । यसअघि ओभरको पहिलो बलमा उनले तेस्रो विकेट लिएका थिए । जितेन्द्र मुखिया र सन्दीप लामिछानेले एक एक विकेट लिएका छन् ।

जितेन्द्रले दोस्रो ओभरमै युएईको विकेट लिएका थिए । तर त्यसपछि युएईले आक्रामक ब्याटिङ गरेको थियो । ६ रनमा पहिलो विकेट गुमाएको युएईले दोस्रो विकेटका लागि ६६ रनको साझेदारी गरेको थियो ।

युएईका १९ बर्षीय ब्याट्स्म्यान अरबिन्दले आक्रामक ब्याटिङ गर्दै २३ बलमा ४६ रन बनाए । उनलाई सन्दीपले आउट गराएका थिए । अर्का ब्याटर मोहम्मद वासिमले ३२ बलमा अर्धशतक पूरा गरेर खेलिरहेका छन् । आजको विजेता टी ट्वेन्टी विश्वकपमा छनोट हुनेछ ।