महाशिवरात्रिमा ‘जय शम्भो, बम बम भोले’

काठमाडाैँ । महाशिवरात्रि पर्वको अवसर पारेर जय शम्भो बम बम भोले बोलको गीत सार्वजनिक भएको छ । बुधवार वाइटिएच इन्टरटेन्मेन्ट युटुब बाट सार्वजनिक भएको गीतलाई गीतकार लोकराज अधिकारीले रचना गरेका हुन् ।

अभिनेता आर्यन सिग्देलको मुख्य भूमिका रहेको गीतको म्युजिक भिडियोमा योगेशकाजी, चक्र बम, अनुप अधिकारी र प्रकाश मल्लले साथ दिएका छन् भने गीतकार अधिकारीले पनि महादेवको भूमिका निभाएका छन । गीतमा योगेशकाजी, चक्र बम, मेघ पौडेल र शारीका घिमिरेले स्वर दिएका छन् । गीतमा संगीत र एरेन्ज पनि योगेशकै हो ।

अर्जुन तिवारीले छायाँकन गरेको भिडियो लाई राजीव समिरले कोरियोग्राफी र निर्देशन गरेका छन् । पोखराको पुम्दीमा रहेको भुमेश्वर महादेव मन्दिरमा छायाँकन गरिएको भिडियोलाइ सुप्रिम पराजुलीले सम्पादन गरेका हुन् ।

लोकगीत, आधुनिक गीत, पप गीत,चलचित्रका गीत गजल सहित एक सय पचास बढी गीत लेखेका गीतकार लोकराज अधिकारीले यस प्रकारको गीत लेखेको भने पहिलो हो । हिपहप शैलीको भगवान शिव सम्बन्धी यो गीतलाइ विशेषगरि युवा पुस्ताले मन पराउने गीतकार अधिकारीले बताए ।