अंग्रेजी सिक्न सहयोगी पुस्तक ‘इम्यानुएल इङ्ग्लिस ग्रामर एण्ड कम्पोजिसन’ 

काठमाडौँ । अंग्रेजी भाषाका शिक्षक तथा लेखक खड्ग सुनामले अङ्ग्रेजी सिक्न चाहनेका लागि सहयोगी पुस्तक बजारमा ल्याएका छन् ।  ‘इम्यानुएल इङ्ग्लिस ग्रामर एण्ड कम्पोजिसन’ नामको पुस्तकले अंग्रेजी भाषा सिक्न अति उपयोगी रहेको लेखक सुनामले बताए ।

अङ्ग्रेजी साहित्यमा स्नातकोत्तर सम्मको अध्ययन गरेका सुनामले यसअघि ‘अ ह्याण्ड बुक अन इङ्ग्लिस ल्याङ्ग्वेज टिचिङ मेथोड्स’, ‘क्यारियर डेभलपमेन्ट फर युथ’ लगायतका पुस्तक लेखेका छन् ।

अहिले प्रकाशन भएको पुस्तक कक्षा विभिन्न तहका विद्यार्थीका साथै आइइएलटीएस र पिटिई लगायत परीक्षामा राम्रो नतिजा ल्याउन पनि उपयोगी हुने लेखकको भनाइ छ ।