मोटरसाइकल र माइक्रो ठोकिँदा आगलागी: एकको मृत्यु, तीन घाइते

काठमाडौँ । दाङमा मोटरसाइकल र माइक्रो ठोकिँदा एक जनाको मृत्यु भएको छ भने तीन घाइते छन् ।

तुलसीपुर-घोराही सडकखण्डमा बा ३ ख ८६४३ नम्बरको माइक्रो र नखुलेको मोटरसाइकल आइतबार बेलुकी ९ बजेतिर ठोकिँदा आगलागी भएको थियो । दुर्घटनामा तुलसीपुर उपमहानगरपालिका १८ का २१ वर्षीय रेशम चौधरीको मृत्यु भएको प्रहरीले जनाएको छ । गम्भीर घाइते भएका चौधरीको उपचारका क्रममा राप्ती प्रादेशिक अस्पतालमा मृत्यु भएको हो ।

दुर्घटनामा परेर तुलसीपुर १८ का मोटरसाइकल चालक २२ वर्षका रमेश वली, माइक्रो चालक तुलसीपुर ७ पर्नीका करण परियार र उनका भाइ २४ वर्षका कमल परियार घाइते छन् । उनीहरूको उपचार भइरहेको छ । प्रहरीकाअनुसार दुर्घटनापछि मोटरसाइकलको ट्याङ्की फुटेर आगलागी भएको थियो । आगलागीले माइक्रो र मोटरसाइकल जलेका छन् ।