एमाले अध्यक्ष ओली पोखरा आउँदै

पोखरा । नेकपा एमालेका अध्यक्ष केपी शर्मा ओली पोखरा आउन लागेका छन् । मानवअधिकार आयोगको कार्यक्रमलाई सम्बोधन गर्न उनी हेलिकोप्टर मार्फत नवलपुरबाट पोखरा आउन लागेका हुन् ।

नवलपुरमा स्कुलको वार्षिकोत्सवका लागि उनी त्यसतर्फ गएका थिए ।

१२ बजे नै पोखरा आउने भनिएकोमा कार्यक्रमको चापले केही ढिला भएको एमालेले जनाएको छ । उनी अहिले २ बजे पोखरा विमानस्थलमा ओर्लने एमाले कास्कीका अध्यक्ष मनबहादुर गुरुङले जानकारी दिए ।

ओली आज पोखरा नै बस्नेछन् । मंगलबार विभिन्न ब्यक्तिहरूलाई पार्टी प्रवेश गराएर उनी काठमाडौँ फर्कने छन् । यस्तै, ओली फागुन २७ गते पनि प्रेस चौतारीको महाधिवेसनलाई सम्बोधन गर्न पोखरा आउने बताइएको छ ।