शीर्षस्थानको म्यानचेस्टर सिटी रोकियो

काठमाडौँ । इंग्लिस प्रिमियर लिग लिग अन्तर्गत म्यानचेस्टर सिटी बराबरीमा रोकिएको छ । गएराती सम्पन्न खेलमा म्यानचेस्टर सिटीलाई क्रिस्टल प्यालेसले गोलरहित बराबरीमा रोकेको हो ।

प्यालेसले आफ्नो घरेलु मैदानमा सम्पन्न खेलमा सिटीलाई गोलरहित बराबरीमा रोकेपछि सिटीको उपाधि जित्ने अभियानमा धक्का असर पुग्न सक्ने देखिएको छ । २९ खेलमा ७० अंक रहेको सिटी शीर्ष स्थानमा रहेपनि दोस्रो स्थानमा रहेको लिभरपुललाई अब सिटीसँगको अन्तर १ अंकमा पुर्‍याउने अवसर छ ।

एक खेल कम २८ खेल खेलेको लिभरपुलको ६६ अंक छ । अब लिभरपुलले अब हुने आर्सनलविरुद्धको खेलमा जित हासिल गरेमा सिटीको अग्रता केवल १अंकको हुनेछ । यो बराबरीपछि क्रिस्टल प्यालेसको २९ खेलमा ३४ अंक रहेको छ र लिगमा ११औँ स्थानमा रहेको छ ।