सन्दीपको कप्तानीमा पहिलो एकदिवसीय क्रिकेट खेल्दै नेपाल

काठमाडौँ । नेपालले विश्वकप लिग टू अन्तर्गत आज पपुवा न्युगिनी (पीएनजी)सँग खेल्दैछ । खेल युएईमा नेपाली समय अनुसार बिहान ११ः१५ बजे शुरु हुनेछ ।

नेपालले प्रतियोगितामा यो तेस्रो शृङ्खला खेल्न लागेको हो । यो शृङ्खलामा नेपाल, पपुवा न्युगिनी र युएई छन् ।

सन् २०२३ मा हुने एकदिवसीय विश्वकप छनोटसँग सम्बन्धित यो प्रतियोगिता अन्तर्गत नेपालले मार्च १८ र २१ मा युएई तथा २२ मा पीएनजीसँग खेल्नेछ । एकदिवसीय प्रतियोगितामा नेपाल पहिलो पटक सन्दीप लामिछानेको कप्तानीमा खेल्न लागेको हो ।