सनको दुई गोलमा टोटेनह्यामलाई तीन अंक

काठमाडौँ । दक्षिण कोरियाली फरवार्ड ह्युङ मिन सनले दुई गोलमा टोटेनह्यामले इंग्लिस प्रिमियर लिगमा सहज जित निकालेको छ । टोटेनह्यामले घरेलु मैदानमा वेस्ट ह्याम युनाइटेडमाथि ३-१ को सहज जित निकालेको हो ।

टोटेनह्यामको जितमा सनले दुई गोल गर्दा एक गोल उपहार पाएको थियो । वेस्टह्यामका सेड वेनरहमाले एक गोल फर्काए । यो जितसँगै टोटेनह्याममा २९ खेलबाट ५१ अंक जोडेर पाँचौँ स्थानमा उक्लिएको छ । पराजित वेस्ट ह्याम ३० खेलबाट ४८ अंक जोडेर सातौँ स्थानमा रहेको छ ।