दास्रो ओभरमै नेपाललाई झट्का, कुशल आउट
मकालु खबर
काठमाडौँ । एकदिवसीय विश्वकप लिग टू क्रिकेटमा संयुक्त अरब इमिरेट्सले दिएको २०३ रनको लक्ष्य पछ्याइरहेको नेपाललाई दोस्रो ओभरमै झट्का लागेको छ । दोस्रो ओभरमा नेपालका ओपनर कुशल भुर्तेल आउट भएका हुन् । उनले ५ रन बनाए ।
क्रिजमा ज्ञानेन्द्र मल्ल र पवन सर्राफ छन् । नियमित ओपनर आसिफ शेखलाई आज आराम दिइएपछि पवनलाई ओपनिङमा पठाइएको हो ।
यूएईमा टस हारेर पहिले ब्याटिङ गरेको घरेलु टिमले ५० ओभरमा ९ विकेट गुमाएर २०२ रन बनायो ।
नेपालका सन्दीप लामिछानेले ३ तथा करण केशी र सोमपाल कामीले दुई-दुई विकेट लिए । यस्तै दिपेन्द्रसिंह ऐेरी र आरिफ शेखले एक एक विकेट लिए ।
यूएईका रोहन मुस्तफाले ६०, मोहम्मद वासिमले ३३, चिराग सुरीले २६ र बृत्य अरबिन्दले २४ रन बनाए ।
यही शृंखलाको यसअघिको खेलमा नेपाल यूएईसँग ४८ रनले पराजित भएको थियो । १६९ रनको लक्ष्य पछ्याएको नेपाल १२० रनमै अलआउट भएको थियो ।
मकालु खबर
