डोटीमा जीप दुर्घटना, दुई जनाको मृत्यु

धनगढी । डोटीमा जीप दुर्घटना हुँदा दुई जनाको मृत्यु भएको छ भने सात जना घाइते भएका छन् । पूर्वीचौकी गाउँपालिका १ साझघाटबाट वडा नम्बर ३ गैरागाउँ जाँदै गरेको से १ ज ८३९ नम्बरको जीप दुर्घटना भएको जिल्ला प्रहरी कार्यालय डोटीले जनाएको छ ।

दुर्घटनामा परेर जिल्लाका पूर्वीचौकी गाउँपालिका–३ डोटीका १८ वर्षीय खेम बोहरा र ४५ वर्षीया पुरन बोहराको मृत्यु भएको जिल्ला प्रहरी कार्यालय डोटीका प्रमुख प्रहरी उपरीक्षक शारदाप्रसाद चौधरीले बताए ।

यस्तै, दुर्घटनामा सोही गाउँपालिकाका यशोदा बोहरा, मोहन बोहरा, अमरसिह बोहरा, टंकी बोहरा, कृष्ण चयडा, जितबहादुर बोहरा र दार्चुलाका लोकराज जोशी घाइते भएका छन् ।

उनीहरूमध्ये कृष्णबहादुर चयडा, जितबहादुर बेहरा र लोकराज जोशीको अवस्था गम्भीर रहेको प्रहरीले जनाएको छ । घाइते सबैलाई जिल्ला अस्पताल डोटी लगिएको छ ।