हास्य कलाकार शिवहरी पौडेलको ‘लक्का जवान’को ट्रेलर सार्वजनिक
मकालु खबर
काठमाडौँ । हास्य कलाकार शिवहरी पौड्यालको फिल्म ‘लक्का जवान’को ट्रेलर सार्वजनिक भएको छ ।
मंगलबार ओएसआर मुभिज नामक युट्युब च्यानलबाट फिल्मको ट्रेलर सार्वजनिक गरिएको हो ।
लक्का जवानमा शिवहरी पौड्याल, दिलिप रायमाझी, प्रियंका कार्की, सलोन बस्नेत, वर्षा सिवाकोटी, किरण केसी, राजाराम पौडेलको मुख्य भूमिका छ भने अन्य कलाकारमा दिवंगत जयनन्द लामा, सुरेन्द्र केसी, सरोज खनाल, अन्सुया श्रेष्ठ, सावित्री गुरुङ, अन्जु महर्जन, नरेन्द्र कंशाकर लगायतका कलाकारको समेत अभिनय रहेको छ ।
धुर्व वन्तको प्रस्तुति रहेको फिल्म आमा बंगलामुखी फिल्म्सको ब्यानरमा बनेको हो ।
निर्देशक शिवहरी पौड्यालकै कथा र पटकथामा रहेको फिल्मलाई अन्सुया श्रेष्ठले निर्माण गरेकी हुन् ।
फिल्ममा पारिवारिक कथालाई व्यंग्यात्मक रूपमा प्रस्तुत गरिएको फिल्मलाई पुरुषोत्तम प्रधानले छायांकन गरेको छन् भने मित्र डी. गुरुङले सम्पादन गरेका हुन् ।
पौडेलको डेब्यू निर्देशन रहेको फिल्म आगामी वैशाख १३ गते प्रदर्शन हुँदैछ ।
मकालु खबर
