सनको ह्याट्रिकमा टोटेनह्यामको सानदार जित

काठमाडौँ । दक्षिण कोरियाली फरवार्ड ह्युङ मिन सनको ह्याट्रिकमा टोटेनह्यामले इंग्लिस प्रिमियर लिगमा सानदार जित दर्ता गरेको छ । टोटेनह्यामले घरेलु टोली एस्टन भिल्लालाई ४-० ले पराजित गरेको हो ।

भिल्ला पार्क बर्मिङघममा भएको खेलमा सनले तेस्रो, ६६औं, ७१औं मिनेटमा गोल गर्दै ह्याट्रिक पूरा गरे । एक गोल डिजान कुलुसेभ्स्कीको नाममा रह्यो, उनले ५०औं मिनेटमा गर्दै गरेका हुन् ।

यो जितसँगै टोटेनह्याम ३१ खेलबाट ५७ अंक जोडेर चौथो स्थानमा छ । पराजित एस्टन भिल्ला ३१ खेलबाट ३६ अंक जोडेर १२औं स्थानमा रहेको छ ।